Маңғыстау облысының әмбебап кітапханасы : Ұмытылмас кездесулер : Шығармашылық кеші: Ислам Жеменей

Шығармашылық кеші: Ислам Жеменей

0
Оқылған саны: 300

27 қыркүйек күні Қабиболла Сыдиықов атындағы Маңғыстау облыстық әмбебап кітапханасының Әбіш Кекілбайұлы атындағы конференц залында Әл-Фараби атындағы Қазақ ұлттық университеті «Тұран-Иран» ғылыми зерттеу орталығының директоры, филология ғылымдарының докторы, профессор, шығыстанушы ғалым, Қазақстанның Мәдениет қайраткері, Халықаралық Жазушылар «Pen klub» мүшесі, Қазақстан Жазушылар Одағының мүшесі Ислам Ақмұратұлы Жеменейдің шығармашылық кеші өтті. Алғашқы құттықтау сөз Маңғыстау облысының әкімі Ноғаев Нұрлан Асқарұлына берілді. Кештің құрметті қонақтары, қоғам қайраткерлері, Маңғыстау облысының құрметті азаматтары Айдарханов Тергеу, Нәбиев Жауғашты, дәулескер күйші, Қазақстанның еңбек сіңірген өнер қайраткері Сержан Шәкіратов, Қазақстанның еңбек сіңірген қайраткері, арынды ақын, Ақтау қаласының құрметті азаматы Сабыр Адай, тарихшы Мұханбеткәрім Қожырбайұлы, ғалым, аудармашы Нияз Тобыш, Абдолла Қарау сөз алып, ғалымды 70 жас мерейтойымен құттықтап, Қазақ елі мен Иран елінің мәдени және ғылыми қарым-қатынасына үлкен үлес қосқан Ислам Жеменейдің ерен еңбегі туралы айтып өтті. Кешке өлке зиялы қауым өкілдерімен бірге ұстаздар, студенттер, оқушылар да қатысты.