Еске алу кеші: әнші, сазгер Ізімов Ыбырай Қанатұлы
16-наурыз күні кітапханамызда «Қазақстанның еңбек сіңірген қызметкері»(1998), Ғарифолла Құрманғалиевтен тікелей сабақ алған шәкірті, Маңғыстау облыстық филармониясында ұстаздық қызмет қылған (1975) әнші, сазгер Ізімов Ыбырай Қанатұлын еске алу кеші өтті. Кеш Ы.Ізімовтің 75 жылдығына орай ұйымдастырылды. Сонымен бірге, әншінің өмірі мен шығармашылығына арналған «Өнерде ізі сайраған» атты көрме көпшілікке ұсынылды.
Кешке Күйші, журналист, «ҚР-ның Еңбек сіңірген қызметкері»(1995). Ұмытылуға айналған аңыз күйлердің, айтыс күйлердің қайта жаңғыруына мол еңбек сіңірген, Қазақ мемлекеттік ұлттық консерваториясының Құрметті профессоры – Шәкіратов Сержан Ысқақұлы;
ҚР Жазушылар одағының, ҚР Журналистер оадағының мүшесі, «Ақпарат саласының үздігі» – Үміт Жәлеке;
Ы.Ізімовтің шәкірті, жезтаңдай әнші, Маңғыстау Өнер колледжінің ұстазы – Ақмарал Ерімбетова;
Әншінің жары Бисенгүл Қалпышқызы мен балалары қатысты.
Қонақтар әнші Ы.Ізімов туралы естелік әңгімелер мен облыстың өнер саласына сіңірген еңбегі туралы тағылымды әңгіме айтты. Шәкірті А.Ерімбетованың шәкірттері әуелете ән салып, өзі де кезінде Ы.Ізімовтің өзі айтқан «Дариға» әнін орындап берді.
Ал, әнші Асхат Бреусов "Ақмаржан қала — Ақтауым" әнін көрермендермен бірге шырқады.
Жазушы, журналист Үміт Жәлеке Ы.Ізімовтің төлқұжатындай болып кеткен «АҚМАРЖАН ҚАЛА – АҚТАУЫМ» әніне ерекше тоқталып, ортаға ой тастады. «Биылғы Ақтаудың 60 жылдығы қарсаңында осы бір тамаша әнді неге қаламыздың гимні етіп ресми бекітпеске? Бұл – 1974 жылдан бері шырқалып келе жатқан, жарты ғасыр өтсе де, ел құлағынан кетпей өміршеңдігін дәлелдеген ән. Менің осындай ұсынысым бар», - деді.
«Ортаңда болып азырақ, Көңіліңде тұрсам көбірек» деп Атыраулық ақын Меңдекеш Сатыпалдиев айтқандай, өнер адамы, ортаның адамы Ыбырай Қанатұлы да көптің көңілінде жүр деп ойлаймыз.
Еске алу кешіне келген қонақтарға, оқырмандарға алғыс айтамыз
16 қыркүйек күні облыстық кітапханасында ақын, жазушы, Халықаралық «Алаш» әдеби сыйлығының лауреаты Мырзағали Іңірбаевтың шығармашылығына арналған ...
Облысымызда отбасы күніне орай кимешек киген аналар шеруі ұйымдастырылып, кітапханамызда кимешек киген аналармен дөңгелек үстел өтуде. ...
7 қыркүйек күні облыстық кітапханасының өнер бөлімінде Қазақстандық және бұрынғы кеңес театр, кино және опера режиссері, КСРО және Қазақстанның халық ...
Елiне асығып, туған жерiнiң топырағын иiскеу бақытына ие бола алмай жүрген қандастар қаншама. Олар қай жерде жүрсе де Отанына оралу мүмкiндiгiн ...
22 шілде күні облыстық кітапханасының Өлкетану залында "Өзі батыр әрі би Бабық Мыңбай" атты Мыңбай Әжібайұлының туғанына 220 жыл толуына орай ...
18-19 шілде күндері облыстық кітапханада "ҚИССА сүл-әнбия", "Бейсен және болмыс" кітаптарының тұсау кесерлері өтіп жатыр, және кітап жәрмеңкесі ...
" ОН ТӨРТТЕ ЕЛ ТАНЫҒАН БОЛДЫМ БАЛДАЙ АҚЫН". Бүгін Қ. Сыдиықұлы атындағы Маңғыстау облыстық кітапханасы Өлкетану залында Өлкенің ақын қызы Балдай ...
Жақында кітапхана қорынан ала аласыздар! ...
⚜️АЙТУҒАН ЖЫРАУДЫҢ 220 жылдығына орай. Бүгін өлкетану залында маңғыстаулық ақын, сыбызғышы Айтуған Тайұлының биыл 220 жылдық мерейтойы аясында ...
Бүгін елімізде Ұлттық домбыра күні! Құрметті оқырмандар! Сіздерді кітапханамыздың өнер бөлімінде ұйымдастырған кітап көрмесін тамашалауға ...