Маңғыстау облысының әмбебап кітапханасы : Жаңалықтар : Тілшіміздің жинағы түрік тілінде жарық көрді: “Қауышу” деп аталған кітаптың тұсауы кесілді.

Тілшіміздің жинағы түрік тілінде жарық көрді: “Қауышу” деп аталған кітаптың тұсауы кесілді.

0
Оқылған саны: 1048

Тілшіміздің жинағы түрік тілінде жарық көрді

“Маңғыстау” газетінің белді тілшісі Үміт Жәлекенің әңгімелер жинағы түрік тіліне аударылып, бауырлас мемлекеттің оқырмандарына жол тартты.

5-сәуір күні облыстық кітапханасында “Қауышу” деп аталған кітаптың тұсауы кесілді.

Салтанатты шараға облыс әкімінің орынбасары Ұлықбек Тналиев, Түркияның Ақтаудағы Бас консулы Сабри Альптекин, ардагер журналистер мен өлкенің ақын-жазушылары қатысты.

Жинақ Ыстамбұл қаласында басылды. Түрікшеге аударған Ашур Өздемір.

Жинақтағы әңгімелерде өлкенің өр болмысын, Маңғыстау жұртының бет-бейнесін, өмір салтын Үміт апай кейіпкерлері арқылы керемет жеткізген.

Маңғыстау түбегінің кешелі-бүгінді тарихынан сыр шертетін бұл жинақ бауырлас түрік ағайындарының көңілінен шығып, журналист әрі жазушы Үміт Жәлекенің оқырмандарының саны бірнеше есе артады деген сенімдемін.

Бүгінгі шара “Маңғыстау” газетінің 50, “Маңғыстау-Медиа” медиахолдингінің құрылғанына 10 жыл толуына орайластырылған шаралар топтамасының беташары. Бізге қолдау көрсеткен облыстық кітапхана мен облыстық филармония ұжымына алғыс айтамыз!